Share page | Visit Us On FB |
26 THE HORN OF KING ARTHUR. |
||
We be all off a freyry ; 215
I ame jour awne brother.
" Be Jhesu Cryst that is aboffe, That man aught me gode loffe
That ley by my quene : I wer worthy hym to honour, 220
Both in castell and in towre,
With rede, skerlet and grene.
" Ffor him he helpyd, when I was forth, To cher my wyfe and make her myrth ;
Ffor women louys wele pley ; 225
And therfor, serys, haue je no dowte Bot many schall dance in the cokwoldes rowte,
Both by nyght and dey.
" And therefor, lordyngs, take no care; Make we mery; for nothing spare ; 230
All brether in one rowte." Than the cokwoldes wer full blythe, And thankyd God a hundred syth,
Ffor soth withouten dowte.
Euery cokwold seyd to other, 235
" Kyng Arthour is our awne brother,
Therfor we may be blyth :" The erle off Glowsytur verament, Toke hys leue, and home he wente,
And thankyd the kyng fele sythe. 240 |
||